بطبوط معمر بالكفتة

السلام عليكم و رحمة الله و بركاته موقع وصفات عفيفة يقدم





 بطبوط معمر بالكفتة

الحشوة : 

رابعة الكفتة نعجن معاها عطرية اللحم + ثوم غبرة + بصلة غبرة + راس م ص قرفة + ربيع + ملح + نص م ص عصير الحامض +ربع م ص ابزار + نص م ص طحميرة + ربع م ص كامون + 2 وراق نعناع عبدي او اخر مقطع 

نعجنها مزيان و نديرها خبيزات قد البطبوط و نطيبها على جهتين في الماء 2 م ك و شوية الزيت 

الزيت اللي بقى ندير فيه بصلة كبيرة مشلظة رقيقة + شوية زيت و نشحر + 1 ثوم + ملح + ابزار + 2 مطيشة كبيرة محكوكة بلا زريعة + الربيع مقطع + شومبينيون او زيتون و الهريسة 

مللي تنشف الشرمولة و تعلك نديرها في البطبوط م ص و ندير فوق منها الكفتة و فوق منها ربع فرماج ديال سنوديش و نسخنها شوية في المقلة او الفران او البريسة باش يدوب الفرماج