الحوت بالبصلة وزبيب

السلام عليكم و رحمة الله و بركاته 
 موقع وصفات عفيفة يقدم





الحوت بالبصلة وزبيب

   








+++المقادير:

+ سمك من الحجم الكبير
+بصل مشنف
+زبيب مرطب في الماء
+ربيع
+ملح,قليل ابزار, سكنجبير, تحميرة, شوية كامون
 ضامة الزعفران (حسب الكمية اللي طيبتي),
 شوية سمن, عويدات قرفة, ثوم, شوية خل 
وزيت بلدية وزيت رومية.



+++الطريقة:
نعملو زيت بلدية فالطاجين حتى يسخن ونضيفو البصل
 وقليل ملح وقليل ابزار وشوية سكنجبير, 
نخليوهم يتشحرو شوية ونضيفو السمن.

نوجدو الشرمولة بالربيع والملح والتحميرة والكامون والثوم وضامة الزعفران وزيت رومية والخل والماء

نشرملو طريفات الحوت 

نعملو عويدات القرفة لتحت ونكبو شوية الشرمولة فوق البصل,  ونضيفو الحوت والبصل مشنف والزبيب 

الشرمولة اللي شاطت لينا نكبوها من فوق ونمرقو

منين يطيب الطاجين ندخلوه للفرن يتحمر ونقدموه بالصحة والراحة